Тываның А. С. Пушкин аттыг
Национал ном саңының национал болгаш чурт-шинчилел чогаалының килдизинде Тыва
Республиканың алдарлыг башкызы, чогаалчы К. Т. Чамыяңның 90 харлаан оюнга «Көдээ амыдыралдың алгакчызы» деп
номнар делгелгези салдынган. Делгелгеде ооң бижээн номнары, намдары болгаш
ажыл-ижиниң дугайында материалдар кирген.
Чамыяң Көк-оол Топуевич 1931
чылдың февраль 5-те ТАР-ның Тес-Хем кожууннуң Орукку-Шынаага төрүттүнген.
Чайлаг школазының эге клазынга, Самагалдайның чеди чыл школазынга, Кызылдың
башкы училищезинге өөренгеш, Күрүнениң башкы институдунуң төөгү, дыл
факультедин дооскан.
К. Чамыяңның чогаадыкчы
салым-чаяаны 1965 чылда «Шын» солунга
«Күзел
кырывас» деп чечен чугаазы парлаттынган. Ооң чогаалче оруу ажыттынган. Баштайгы ному «Чаңгыс
аалдың кижилери» (1974) деп чечен чугааларының чыындызы кылдыр үнген.
Дараазында чылдарда «Кыштагда чырык» (1977), «Ханы дазыл» (1981), «Часкы
хөөннер» (1984), «Мөңгүн оттук» (1998), «Хаяа»
(2001) база В. Чукрееваның «Кыштагда
чырык» («Свет над зимовьем») очулгазы (1989) деп номнары чырыкче үнгүлээн.
Ол чогаал бижииринден аңгыда,
очулга ажылынга идепкейлиг киришкен. Польшаның культуразының алдарлыг
ажылдакчызы Ю. С. Рытхэунуң чечен
чугааларын тыва дылче очулдурган.
Соңгу чүк улустарының, чукот
литератураның үндезилекчилериниң бирээзи А. М. Горький аттыг шаңналдың
эдилекчизи (1983), Делегейниң «Гринцане
Каур» (Италия, 1983), «Свидетель
мира» (Франция, 2000) деп шаңналдарның лауреады.
Тыва Республиканың чогаалчылар
эвилелиниң кежигүнү.