Ховалыг Артык Хөм-Оттуковна 1951 чылдың май 12-де Сүт-Хөл районнуң Суг-Аксы суурунга төрүттүнген.
Бора-Тайга ортумак школазын, Кызылда күрүнениң башкы институдун, ВЛКСМ ТК чанында комсомолдуң Дээди школазын дооскан.
Школага башкылап, «Тываның аныяктары», «Шын», солуннарга корреспондентилеп, килдис эргелекчилеп, 1991 чылдан бээр «Эне сөзү» солуннуң редакторунга ажылдап, Тыва Республиканың Журналистер эвилелин даргалап чораан.
Шүлүкчү, журналист. Чогаал ажылын 1974 чылда эгелээн. «Чалгын» деп баштайгы шүлүктер ному 1978 чылда чырыкче үнген. Дараазында «Сеткил чечээ» деп шүлүктер чыындызы, «Таныжын танываан», «Билзекте хээлер» деп проза номнары парлаттынган. А. Ахматованың, О. Хайямның шүлүктерин тыва дылче очулдурган.
А. Х.-О. Ховалыгның чогаалдары орус, немец, алдай, украин дылдарже очулдуртунган.
ССРЭ-ниң Журналистер эвилелиниң кежигүнү, 1991 чылдан бээр ССРЭ-ниң Чогаалчылар эвилелиниң кежигүнү.
Тыва Республиканың алдарлыг ажылдакчызы, Россия Федерациязының культуразының алдарлыг ажылдакчызы.