Хүндүлүг номчукчуларывыс!
А. С. Пушкин аттыг Национал
ном саңының мурнундан өг-бүле,
ынакшыл болгаш шынчы чорук хүнү-биле сеткиливис ханызындан байырывыс чедирдивис!
Силерге өг-бүлеңерге өлчей-кежиктиг өөрүшкүнү, өртээ турбас кадыкшылды, өндүр бедик энерел
сеткилди күзедивис.
Чыл санында, июль 8-те, бүгү Россияда
өг-бүле, ынакшыл болгаш шынчы чоруктуң хүнүн демдеглеп эрттирип турар. Ону бир
дугаар 2008 ч. өг-бүле чылы деп байырлап эгелээн. Байырлалдың үнген чылдагааны
христиан шажын ёзугаар өгленишкен улусту камгалап, хайгаараар Пётр болгаш
Феврония дээр бурганчыткан кижилерни, каш чүс чылдар бурунгаар, Муром хоорайда
хөөржүткен. Ынчангаш өг-бүле байырлалын тургузар дугайында үзел-бодалды
Владимир облазының Муром хоорайының чурттакчылары саналдаан. РФ-тиң Күрүне
Думазының депутаттары оларның саналын чүүлдүгзүнүп, байырлалды албан ёзузу-биле
бадылаан.
Өг-бүле – амы-хууда чуртталганың үндезин
ораны. Өг-бүле – кижиниң сүлде-сүзүү. Өг-бүлениң чогумчалыг, ынаныштыг, быжыг болуру хан
төрел улустуң бот-боттарынга ынакшылындан, эп-найыралындан, хүндүлежир ёзу-чаңчылдарны
сагыырындан, күш-ажылды үнелеп, кызымаккай, чүткүлдүг болурундан хамааржыр.
Быжыг, бүзүрелдиг
өг-бүле – кол үндезин үнелиг чүүлдерниң бирээзи, чоннуң байлаа, хөй-ниитиниң
өзээн тургузуп, чурттуң сайзыралынга улуг салдарны чедирер.
РФ-тиң Президентизи Владимир Путинниң шиитпири-биле
2024 ч. Россияда «Өг-бүле чылы» кылдыр чарлаан.
«Демниг болгаш найыралдыг
өг-бүлелер чонувустуң амыдыралынга улуг деткимчени кезээде ойнап чораан. Ынчангаш Президент Владимир Владимирович Путинниң бо чылды «Өг-бүле чылы» кылдыр
чарлааны – бистиң республикага онза ужур-уткалыг. Бистиң хөй националдыг
күрүневистиң сүзүктүг сагыш-сеткил болгаш мөзү-бүдүштүң үнелиг
чүүлдерин кадагалап арттырарынче угланган чугула базымы-дыр» – деп, Владислав Ховалыг демдеглээн.
