Тыва Республиканыӊ А. С. Пушкин
аттыг Национал ном саӊынга Василий Иргиттиӊ «Чонга Йөрээл» деп ырлар чыындызын Томас
Конзай-оолович Монгуш белекке берген.
Иргит Василий Алексеевич 1945 ч.
март 24-те Чадаана хоорайга ажылчын өг-бүлеге төрүттүнген. Ортумак школаны 1959
ч. дооскаш, Кызылдыӊ көдээ ажыл-агый техникумунга өөренгеш, Бажын-Алаак
сумузунга, механизаторлап ажылдап эгелээн.
Ол школачы чылдарында боду хөгжүм
херекселдеринге ойнап өөренип эгелээн. В. А. Иргит баянга ойнаар
салым-чаянныг болгаш 1964 ч. эгелеп школага ыры башкылай берген. 1969 ч.
талантылыг башкыны Улан-Удэ хоорайныӊ культура-чырыдыышкын училищезиниӊ оркестр
салбырынче өөредип чоруткан.
Ол 1972 ч. өөредилге албан черин
доозуп алгаш, улаштыр Бажын-Алаак школазынга ажылдаан. 1976 ч. эгелээш
өг-бүлезиниӊ аайы-биле Ак-Дуруг суурже көжүп чорупкаш, аӊаа музыка школазынга
30 ажыг чыл башкылап ажылдаан.
Василий Алексеевич – бот-тывынгыр
композитор, 30 ажыг ырларныӊ автору, Тыва Республиканыӊ композиторларыныӊ
чогаадыкчы эвилелиниӊ кежигүнү. Ол «Күш-ажылдыӊ хоочуну»
деп хүндүлүг аттыӊ эдилекчизи.
