А. С. Пушкин аттыг Национал ном саңының номчулга залы “Тыва чоннуң чоргааралы” деп төлевилелди бараалгадып тур.

Валентина Бегзиевна Монгуш – Россия Федерациязының улус өөредилгезиниң тергиини, Тыва Республиканың Улус өөредилгезиниң алдарлыг ажылдакчызы, Барыын-Хемчик кожууннуң төлептиг хамаатызы база тыва улусчу ёзу-чаңчылдарның кадагалакчызы, нептередикчизи. Ол тыва улустуң улусчу ужур-чаңчылдарын база хоругларын, 40 ажыг чылдар дургузунда, Кызыл-Мажалыктың 2 дугаар школазынга тускай шенелде шөл тургузуп алгаш, республикага нептередип эгелээн.

Валентина Бегзиевна тыва чоннуң ёзу – чаңчылдарын солун-сеткүүлдерге, номнарга чырыдып, бижип чораан. Ынчангаш амгы үеде ооң арга-дуржулгазы, шынап-ла, эгээртинмес эртине-байлак дег, узуп төтпес аржаан суу дег үнелиг. Чүге дээрге, амгы үеде ёзу-чаңчылдар шуут сулараанын эскерер бис. Хоочун башкының карак кызыл ажылының көвей дүжүдү – бодунуң ол байлак арга-дуржулгазынга даянып, тыва улусчу ёзу-чаңчылдарны чонга, ылаңгыя аныяк өскенге чедир тайылбырлаарының улуг салдарлыын демдеглевес арга чок.

Сонуургап көөрүңерни кыйгырдывыс.