Тыва Республиканың Хөй
ниити палатазының эгелээшкини-биле республикага
адалар чыыжын бир дугаар 2011 чылда организастап эрттирген. Чыыштың түңнелинде ноябрь
айның үш дугаар субботазын «Адалар хүнү» кылдыр демдеглээрин шиитпирлээн.
Байырлалдың
сорулгазы – чогумчалыг өг-бүлени тургузары, сагыш-сеткил, мөзү-шынар
чаңчылдарын катап эгидери, өзүп орар салгалды кижизидери болгаш республиканың
келир үези дээш, оларның бедик харыысалгазының дугайында эр кижилерге
сагындырары болган.
2021 чылда Россия
Федерациязының президентизиниң чарлыы-биле «Адалар хүнүн» октябрь айның үш дугаар улуг хүнү
кылдыр чарлаан.
Тыва Республиканың А. С. Пушкин аттыг Национал ном саңының национал болгаш
чурт-шинчилел чогаалының килдизиниң ажылдакчылары «Адалар хүнү» уткуштур «Буянныг
адалар» деп электроннуг презентацияны Кызылдың саң-хөө болгаш эрге-хоойлу
техникумунуң I,
II дугаар курузунуң
студентилеринге эрттирген.
Студентилер электроннуг
презентациядан национал болгаш чурт-шинчилел чогаалының килдизиниң фондузунда
бар эр кижилерниң мөзү-шынарын, эрес-дидимин, туруштуун, үлегерлиин,
тура-соруктуун дээш оон-даа өске хевирлерин көргүскен номнар-биле танышкан.
База эр кижилерни алгап-мактаан шүлүктерни, үлегер домактарны номчаан.
