2023
чылдың март
21-де бистиң ном саңынга национал
болгаш чурт-шинчилел чогаалының килдизиниң ажылдакчылары шүлүкчү,
прозачы, башкы, очулдурукчу Тыва АССР-ниң культуразының алдарлыг ажылдакчызы Л.
Б. Чадамбаның төрүттүнгенинден бээр 105 харлаанынга таварыштыр «Төрээн чериниң ыраажызы»
деп сактыышкын-кежээзин Кызылдың 8 дугаар ортумак школазының 6 «б» клазының
өөреникчилеринге эрттирген.
Сактыышкын-кежээге Леонид Чадамбаның
уруу Айлана Леонидовна Чадамба, Тываның улустуң чогаалчылары Кара-Күске Чооду,
Суваң Шаңгыр-оол, Россияның алдарлыг журнализи Александр Шоюн киришкеннер.
Национал хөгжүм-шии театрының чогаал
болгаш драматургия адырының редактору Кежик Коңзай, Надя Рушева аттыг уругларның
уран чүүл школазының өөреникчилери Баяна
Суманчик, Кара-Сал Аюсай, Хертек Каң-Темир, 17 дугаар ортумак школаның 8-ки
клазының өөреникчизи Даваа Арандол база 6-гы класстың өөреникчилери Монгуш
Кежик, Монгуш Алдар-Кежик ыры-шүлүүн бараалгадып, хемчегни каастааннар.
Уруглар сактыышкын-кежээге чогаалчының допчу намдарын,
ажыл-ижин болгаш уруу «Бичии көрүкчүлерниң улусчу театрының» салым-чаяанныг
башкызы, «Буян-Бадыргы» ордениниң 3-кү чадазының эдилекчизи Айлана Чадамбаны
танып, билип алганнар. Өөреникчилерниң
башкызы Чодураа Михайловна уругларга мындыг хевирлиг ужуражылгалар өөредилге-кижизидилгезинге
ажыктыг болуру чугаажок деп санап, өөрүп четтиргенин илереткен.
