Тываныӊ
улустуӊ чогаалчызы А. А. Даржайныӊ саналы-биле, 2016 ч. тура, ноябрь 1-ни –
Тыва дыл хүнү кылдыр Тыва Чазак доктаал ёзугаар шиитпирлээн.Тыва дыл хунуге
уткуштур Национал ном саӊынга чурт-шинчилел номчулгалары болуп эрткен.
2022 чыл – Россияның чоннарының
культурлуг салгалының чылы. Ол дугайын Россияныӊ Президентизи Владимир Путин нациялар аразының харылзааларының талазы-биле
чөвүлелдиң хуралынга демдеглээн. Ынчангаш бо чылын номчулгалар «Тыва чоннуӊ тоолчургу чугаалары» деп
ат-биле эрткен.
Номчулгаларны
Национал ном саӊыныӊ даргазыныӊ оралакчызы Айланма Кызыл-ооловна Аракчаа байырлыг
сөс-биле ажыткаш, киржикчилерге үре-түӊнелдиг ажылдаарын күзээн.
Кожууннардан
20 ажыг илеткелчилер болгаш Кызылдыӊ А. Б. Чыргал-оол аттыг уран чүүл база
башкы колледжиниӊ сургуулдары идепкейлиг киришкеннер. Номчулгаларга тоолчургу
чугаалар, аас чогаалыныӊ аӊгы-аӊгы хевирлериниӊ дугайында солун, кижизидикчи
уткалыг илеткелдер, дыӊнадыглар хөй
болган.
Киржикчилер
ажыктыг, өөредиглиг номчулгалар эрткенинге өөрүп, четтиргенин илередип
турганнар.
А
С. Пушкин аттыг Национал ном саӊыныӊ удуртулгазы киржикчи бүрүзүнге
сертификаттарны тывыскан. Киржикчилерни ниити чурукка тырттырар хемчег-биле
номчулгалар доозулган.
