Угаан биле ажыл деп сөс – кижи-биле

Ужуктажып дириг чорда – номчукчуже,

Бодамчалыг номчузун дээш – өкпе-дар чок,

Бодалдарым сеткилимден өргүп чор мен...

 

Куулар Сарыг-оол Тамба-Сүрүнович 1937 ч. март 18-те Тыва Арат Республиканыӊ Чөөн-Хемчик кожууннун Шемиде Бедик-Өдек деп черге төрүттүнген. Чогаалчы Александр Чаш-оолович Тамба-Сүрүңнүң улуг оглу.

Ол Чадаананыӊ 1 дугаар школазын, Кызылда күрүнениң башкы институдунуң дыл салбырын дооскан. Чадаана, Шеми, Хандагайты школаларынга башкылап чораан. «Тываның аныяктары» солунга корреспондентилеп, Тыва АССР-ниң радио, телевидение комитединге редакторлап, «Шын» солуннуң культура, улус өөредилгези биле чечен чогаал килдистерин удуртуп, ажылдаан.

Чогаал ажылынче базымы 1966 ч. эгелээн. Ооң шүлүктери, очерктери республика солуннарынга, «Улуг-Хем» альманагынга үнгүлээн. Шүлүктериниң темалары амыдыралдың хөй талалыг арыннары дег янзы-бүрү. Номнары: «Идегел» (1975), «Бодалдарым боодалдары» (1992).

Куулар Сарыг-оол СССРЭ-ниң җурналистер, Тыва Республиканың чогаалчылар эвилелдериниң кеҗигүнү чораан.

 

Аас-кежии

 

Амыдырал каш-каш чаңныг,

Азып болур, тайып болур.

Чалбак чондан четтинчипкеш,

Салдынмаза аас-кежик.

Аас-кежии кижилерге

Арбын түңнүг акша эвес,

Артык-артык хептер эвес,

Арын-нүүрнүң бүдүнү-дүр.

( К.Сарыг-оол)