Хундулуг номчукчулар!
Тыва Республиканың алдарлыг артизи, Тес-Хем кожууннуң чоргааралы, хөй санныг хөөмей-сыгыт мөөрейлериниң киржикчизи, чоннуң ынак ыраажызы Аяс Данзырынның чырык адынга тураскааткан « Чүрээм үнү, чүрээм согуу чүгле сенде…» деп номну чыып тургускан чогаадыкчы бөлүктүң идепкейлиг кежигүннериниң бирээзи, редактору Амур Кара-Хунаевич Увангур А.С.Пушкин аттыг ном саңынга чараш, шынарлыг кылдыр үндүрген номну номчукчуларга белек кылдыр сөңнээн.
Ном 400 экземплярга чырыкче үнген. 180 ном А.С. Пушкин аттыг Национал ном саңында. Чаа номнуң албан-езу таныштырылгазы декабь айда болур.
Силерни А.С.Пушкин аттыг ном саңы Аяс Данзырынның чырыткылыг адынга тураскааткан чаа, солун номну номчуурунче чаладывыс.
