Шаравии Валерий Севилбаевич

29 мая 2020, Пятница

ШАРАВИИ Валерий Севилбаевич

1929 чылдың май 29-та Тыва Арат Республиканың Чөөн-Хемчик кожуунда Чадаана хемниң кыдыында Чудук-Кажаа деп черге төрүттүнген.

Хайыраканның чеди чыл, Кызылдың 2 дугаар школаларынга, Абаканның башкы институдунга, ВЛКСМ ТК-ның чанында комсомолдуң Дээди школазының журналистика факультединге, Хабаровскиде партияның Дээди школазынга өөренген.
1951 чылдан эгелеп “Шын” солунга корректорлап, “Сылдысчыгаш” солуннуң чогаал ажылдакчызы, килдис эргелекчизи, харыысалгалыг секретарынга, “Тываның аныяктары” солунга харыысалгалыг секретарь, редактор кылдыр, Тываның радиотелевидение Комитединиң даргазының оралакчызынга, телестудияның директорунга болгаш “Шын” солунга кол редакторлап ажылдаан.
Шүлүкчү, журналист.
Баштайгы шүлүктерин 1947 чылда бижип эгелээш, республика солуннарынга парладып эгелээн. “Авамга” деп шүлүктер ному 1968 чылда чырыкче үнген. “Салым-чолдуң шорааннары” деп роман 2000 чылда парлаттынган.
ССРЭ-ниң Журналистер эвилелиниң кежигүнү.
ССРЭ-ниң “Хүндүлелдиң демдээ” орден-биле “Шылгараңгай күш-ажыл дээш В.И.Ленинниң төрүттүнгенинден бээр 100 чыл оюн таварыштыр”, “Күш-ажылдың хоочуну”, “1941-1945 чылдарда Ада-чурттуң Улуг дайынынның Тиилелгезиниң 50 чылы”, Моол Республиканың болгаш Тыва Республиканың “Шылгараңгай күш-ажыл дээш” база “Бүгү Россияның журналистер эвилелиниң 80 чылы” деп юбилейлиг медальдары-биле шаңнаткан.
Тыва АССР-ниң Дээди Совединиң 6-гы чыыжының депутады. Тыва Республиканың алдарлыг ажылдакчызы.

Предыдущая новость

Следующая новость

Последние новости

16 февраля, Понедельник

Тыва оюннарның бирээзи буга-шыдыраа

Тываның А. С. Пушкин аттыг национал ном саңының чурт-шинчилел чогаалының болгаш национал библиография килдизиниң ажылдакчылары Шагаа байырлалынга уткуштур, тыва оюннарның бирээзи буга-шыдырааның ойнаар хевирин болгаш аргаларын Тываның политехниктиг техникумунуң сургуулдарынга өөредип, айтып берип көргүскеннер. Бо оюннуң кол ужур-утказы: ийи кижи ойнаан болза, бирээзи ийи буга-биле, өскези 24 оол-биле ойнаар, ийи бугалыг кижи көштерин таарыштырып олургаш, оолдарны төндүр чип, узуткаарын бодаар, а оолдарлыг кижи бугаларның оруун муңгаштаарын кызыдар.

16 февраля, Понедельник

Мандыынчы Чкалов Сааяевич – шүлүкчү, журналист

ССРЭ-ниң Журналистер база Тыва Республиканың Чогаалчылар эвилелдериниң кежигүнү Мандыынчы Ч. С. 1946 чылдың февраль 15-те Тыва автономнуг областың Мөңгүн-Тайга районнуң Хүрең-Тайга сумузунуң Каргыга төрүттүнген. Мугур-Аксының сес чыл, Кызылдың 2 дугаар ортумак школаларынга өөренген.

16 февраля, Понедельник

Подвели итоги деятельности Общественного совета при УФСИН России по Туве за 2025 год

В сотрудничестве с Министерством культуры региона и УФСИН Национальная библиотека Тувы уже несколько лет успешно занимается просвещением и воспитанием. Библиотека работает с осужденными и сотрудниками УИС, привлекая к сотрудничеству писателей, литературоведов, артистов, ученых, спортсменов, психологов и других экспертов. Национальная библиотека активно участвует в различных проектах и программах, способствуя духовному и нравственному развитию людей.