Келир 2020 чылда Германияның дүжүп берипкен деп ат
салганындан бээр 75 чыл ою болуп турар. Аңаа уткуштур Россия Федерациязының
баштыңы Владимир Путинниң чарлыы-биле 2020 чыл дайынның маадырларының мөңге
Алдарының дугайында Сактыышкын чылы болуп бадыткаттынган.
Төөгүде уттундурбас эң-не коргунчуг болуушкуннарның
арыннарын сактып, чурттувус дээш тулчуп чораан өгбелеривисти болгаш каржы дошкун
дайынның соок, аштанчыг, коргунчуг үелеринде кем чок болган чурттакчыларны
сактып бодап чорууру чугула.
Өзүп орар салгалдың ол дугайын кайы хире билирин болгаш
сактып аары-биле социал-экономиктиг литература килдизиниң ажылдакчылары
Кызылдың экономика болгаш хоойлу техникумунуң сургуулдарынга «Тиилелгениң салгакчылары» деп интеллектуалдыг оюнну эрттиргеннер.
Уруглар «Маадыр-хоорайлар», «Дайынның
ырылары» болгаш «Эрес-дидим кижилер» дээш
оон-даа өске кезектерлиг айтырыгларга харыылааннар. Дайынның ырыларын күүседип,
«Тиилелгениң хүнүн» демниг ырлап, база дайын темазынга хамаарышкан айтырыгларга
харыылааш, төөгүнү эки билирин шынзытканнар.
Хемчег «Дайын
үезинде чаш уруглар» деп фильм болгаш
темага хамаарышкан номнар допчулалы-биле доозулган.
©
А. С. Пушкин аттыг ном саңының
социал-экономиктиг литература килдизи
