Тыва улустуң буга-шыдыраа, ыт-шыдыраа, тугул-шыдыраа дээн чергелиг, шыйыглыг калбак ыяштарга, даштар-биле ойнаар оюннар хол-шыдыраазының оранчок мурнунда тывылган.
Буга-шыдырааның хөлүн аптара аксынга азы анаа калбак ыяшка-даа аңгы хөл кылдыр чуруп алыр. Оюн ийи бугалардан болгаш чээрби дөрт бичежек даштардан тургустунган болур.
Тываның А. С. Пушкин аттыг национал ном саңының чурт-шинчилел чогаалының болгаш национал библиография килдизиниң ажылдакчылары Шагаа байырлалынга уткуштур, тыва оюннарның бирээзи буга-шыдырааның ойнаар хевирин болгаш аргаларын Тываның политехниктиг техникумунуң сургуулдарынга өөредип, айтып берип көргүскеннер. Бо оюннуң кол ужур-утказы: ийи кижи ойнаан болза, бирээзи ийи буга-биле, өскези 24 оол-биле ойнаар, ийи бугалыг кижи көштерин таарыштырып олургаш, оолдарны төндүр чип, узуткаарын бодаар, а оолдарлыг кижи бугаларның оруун муңгаштаарын кызыдар.Сургуулдар тыва улустуң буга-шыдыраа деп ойнап чораан оюннун улуг сонуургал - биле көрүп, ойнап өөренгеннер.
База бир солун оюнну өөренип, ойнап, билип алганынга сургуулдар өөрүп, А. С. Пушкин аттыг национал ном саңының ажылдакчыларынга четтиргенин илереткеннер.
