ССРЭ-ниң Журналистер база Тыва Республиканың Чогаалчылар эвилелдериниң кежигүнү Мандыынчы Ч. С. 1946 чылдың февраль 15-те Тыва автономнуг областың Мөңгүн-Тайга районнуң Хүрең-Тайга сумузунуң Каргыга төрүттүнген. Мугур-Аксының сес чыл, Кызылдың 2 дугаар ортумак школаларынга өөренген.
Чогаалчы ажылчын базымын Мугур-Аксынга тудуг мастерлеп, клуб эргелекчилеп, «Тыва даг-дүгү» комбинадының тудуунга ажылдаан. «Тываның аныяктары» солунга килдис эргелекчилээш, «Асбест дээш», «Хемчиктиң сылдызы» солуннарга ажылдаан. 1993 чылда Тыва Республиканың Дээди Хуралының бирги чыыжының депутадынга соңгуткан. Чогаал ажылын 1970 чылда эгелээн. Ооң шүлүктери, чырыткан чүүлдери республика солуннарынга, «Улуг-Хем» альманахка парлаттынгылаан. Шүлүктериниң баштайгы чыындызы «Мээң Тывам эргизиңзе» (1990) чылда үнген. Шүлүктери орус дылче база очулдуртунгулаан.Тыва Республиканың А. С. Пушкин аттыг национал ном саңының чурт-шинчилел болгаш национал библиография килдизинде чогаалчының 80 харлаанынга «Шүлүктерим, чогаалдарым чонум-биле харылзаалыг » деп ном делгелгези салдынган.
Чогаалчының чырыкче үнген шүлүктериниң чыындылары: «Мээң Тывам эргизиңзе» (1990), «Амыдырал баганазы» (2006), «Чогаал үнзе, дыжым ханар» (2017) база орус чогаалчы Алексей Толстойнуң «Хаан-Херети кущ» деп тоолун тыва дылче очулдурган (1975) номнарын делгээн.
Номчукчуларны чогаалчының номнары-биле таныжып, сонуургап көөрүнче чаладывыс.
