Тываныӊ
Улустуӊ чогаалчызы (2022), Россияныӊ болгаш Тыва Республиканыӊ чогаалчылар
Эвилелдериниң кежигүнү, Россияныӊ журналистер Эвилелиниӊ кежигүнү (1999), Тыва
Республиканыӊ культуразыныӊ алдарлыг ажылдакчызы, Барыын-Хемчик кожууннуң
хүндүлүг хамаатызы Мария Амын-ооловна Күжүгеттиң чырык ѳртемчейден чарлып чорутканы-биле Тыва
Республиканың А. С. Пушкин аттыг Национал ном саңының мурнундан
ооң тɵрээн болгаш чоок кижилеринге ханы кажыыдалды илередип тур бис.
Чогаалчы
Национал ном саңы-биле үр чылдар ишти эгин-кожа, сырый харылзаалыг ажылдап,
хѳй-хѳй солун болгаш ѳѳредиглиг хемчеглерни аныяк ѳскеннерге эрттирип чораан.
Ооң чогаалдарында бижиттинген чараш овур-хевирлер тѳрээн дылывысты,
культуравысты база кижи бүрүзүнүң сагыш-сеткилин байыдып турган. Мария Амын-ооловна
мерген угаанын, эртем-билиин салгакчыларывыска дамчыдып, оларның мѳзү-бүдүжүн
хевирлээринге канчаар-даа аажок улуг үлүүн
киирген.
М.
А. Күжүгет тыва чогаалдың сайзыралынга, школаларга башкылаарының ѳѳредилге программазын
тургузарынга, өөредилге номнарын бижииринге киржип, ниитилелге балалбас изин арттырган.
Мария Күжүгеттиң чогаалдары: «Сактыышкыным чадаганы» (1994), «Салымымныӊ
кавайы» (2000), «Идегел» (2005), «Анайжыгаш» – «Козленочек» (2007), «Сеткилим
орбазында» (2009), «Хайыра» (2015), «Чуртталганыӊ
чуузазы» (2007), «Бүрү болгаш мен» (2020), «Дүңгүр
ыры», «Салым таңмазы» (2025) Тываның хѳй санныг номчукчуларынга эгээртинмес
алдын үүже бооп артып каар.
Хүндүлүг ынак чогаалчывыстың хенертен чырык чер кырындан чарлып чорупканы
тыва культурага, ѳѳредилге шугумунга, чогаал делегейинге аар согуг база улуг
хараадал болган.
Бо кажыыдалдың үезинде Мария Амын-ооловнаның ѳг-бүлезиниң, чоок
кижилериниң, кады ажылдаан эш-ѳѳрүнүң, мѳгейикчилериниң ханы аарышкызын
үлештивис!
Чогаалчының чырык овур хевири бистиң сагыш-сеткиливиске, чүректеривиске кезээ мѳнгеде артар.
ТР-ниң А. С. Пушкин аттыг национал
ном саңының удуртукчузу И. Эртине база коллективи.
