Шапкын үениң аайы-биле информастыг технологиялар сайзыраанындан, медээлерни, болуушкуннарны социал четкилерден номчуп, аравыста харылзажырда, телефонну, интернетти ажыглап чоруур бис.

Тыва дылда бижээн медээлерни, тайылбыр бижиктерни, айтыкчыларны номчуурга, частырыглар хѳй бооп турары, дүвүренчиг байдалды тургузуп турар.

Ѳгбелеривистиң биске арттырып берген эртинези, чепсээ – тыва дылывысты арыг чугаалап, шын бижиири – кижи бүрүзүнүң дорт хүлээлгези. Ону сайзырадып, кадагалап, келир үениң салгакчыларынга байлак, чараш хевээр арттырып бээри чугула.

Тѳрээн дылывыстың чоорту чиде берип болурунуң айыылын барымдаалап, база тыва сѳстерни частырыг чок бижиирин кыйгырып, бо чылдан эгелеп, «Шын бижиилиңер!» деп суртаал ажылын чорудаал.

Кичээнгейлиг кѳѳрүңерни күзедивис!