Хүндүлүг номчукчулар!

А.С. Пушкин аттыг Национал ном саңы ѳѳреникчилер болгаш сургуулдар аразынга Тываның Улустуң чогаалчызы С. С. Сүрүң-оолдуң 100 харлаанынга тураскааткан чогаадыг мѳѳрейин чарлап тур.

Шылгараңгай шүлүкчү, сураглыг чогаалчы Салим Сүрүң-оолдуң мѳгейикчилерин тыва дылыңарның чечен-мергенин, сайзыраңгайын бадыткаар, чогаадыкчы салым-чаяаныңарны илередир, тыва чечен чогаалга сонуургалыңар бедидер чогаадыг мѳѳрейинче чалап тур бис!

Тываның Улустуң чогаалчызы С. С. Сүрүң-оолдуң

бижээн чогаалдарынга өөреникчилер болгаш сургуулдар  

аразынга республика чергелиг чогаадыг

бижиириниң дугайында мөөрейниң

 ДҮРҮМҮ

 

I. Ниити кезээ

1.1. Бо дүрүм тыва чогаалдың шылгараңгай тоожучузу, шүлүкчүзү, Тываның Улустуң чогаалчызы С. С. Сүрүң-оолдуң 100 харлаанынга тураскааткан чогаадыг бижиириниң чурумун, негелдезин тодарадып турар.

1.2. Мөөрейниң  эрттирикчизи КБАЧ «ТР-ның А. С. Пушкин аттыг национал ном саңы».

 

II. Мөөрейниң сорулгалары

2.1. Өөреникчилерниң болгаш сургуулдарның төрээн тыва дылын сайзырадыры;

2.2. Чогаал бижиир салым-чаяанныг уругларны, аныяктарны илередири болгаш деткиири;

2.3. Тыва чечен чогаалга сонуургалын бедидери;

2.4. Өзүп олурар аныяк өскенни Тываның Улустуң чогаалчызы С. С. Сүрүң-оолдуң бижээн чогаалдарын өөренип, шинчилээр ажылдарны нептередип, деткиири;

2.5. Хостуг үезин шын ажыглап, өөрениринге чаңчыктырары.

III.  Мөөрейниң эрттирер хуусаазы

3.1. Мөөрейни 2024 чылдың март 18-тен апрель 15 - ке чедир эрттирер.

3.2. Бижээн ажылдарын 2024 чылдың апрель 11-ге чедир хүлээр.

3.3. Түңнелдерин 2024 чылдың апрель 15-те чырыдар.

 

IV. Мөөрейниң киржикчилери

4.1. Мөөрейге бодунуң бижээн  ажылдарын хүлээп алыр;

4.2. Киржикчилерни дараазында назы-хар аайы-биле бөлүктээн:

Ø 1-ги бөлүк 14 хардан 18 харга чедир;

Ø 2-ги бөлүк 19 хардан 24 харга чедир.

4.3.  Ажылдарны удуртукчу башкызы-биле, азы боду белеткеп болур.

 

V. Чогаадыгны бижииринге негелделер

5.1. Ниити хемчээли (бирги  арын-биле) 3 арындан хөй болбас,  парлаарда MS Word деп программмага, (Nimes New Roman) деп шрифти, хемчээли 14, аразы 1,5;

5.2.  Ажылдарның дылы: тыва;

5.3. Чогаадыгның утказы негелделерге  дүүшпес болза, ук ажылды хүлээвес;

5.4. Киржикчи чүгле чаңгыс ажылды чорудар;

5.5. Ажылдарны чорудар электроннуг адрес: nb-krai@mail.ru азы А. С. Пушкин аттыг национал ном саңының национал болгаш чурт-шинчилел чогаалының килдизинге эккеп болур. (Кызыл хоорай, Ленин кудумчузу, бажың дугаары 21);

5.6. Ажылды  чоруткан кижи ооң авторунуң бадыткалы болур болгаш харыысалганы бодунга алыр;

5.7. Ажыл бүрүзүн мөөрейниң чагыын ёзугаар хүлээп алыр (Капсырылга № 1).

 

VI. Мөөрейге киирген ажылдарны үнелээри

6.1. Ажылдарны 1-ден 5 баллга чедир үнелээр:

Ø  теманы ажыдып чырытканы, сорулгазынга дүгжүп турары;

Ø ушта бижилгениң (ссылка) үндезинин айытканы;

Ø  

Ø овур-хевирлерниң болгаш дыл-домааның уран-чечени;

Ø ажылдың бижиттинген аянының онзагайы;

Ø шын бижилгениң болгаш бижик демдектериниң  дүрүмнеринге чагыртканы .

 

VII. Мөөрейниң түңнелдери болгаш тиилекчилерни шаңнаары

7.1. Ажылдарны жюри кежигүннери үнелээш, шиитпирни үндүрер;

7.2. Тиилекчилерни хүндүлүг бижиктер болгаш белектер-биле шаңнаар. Удуртукчу башкыларга өөрүп четтириишкинниң бижиктерин тыпсыр.

 

VIII. Билдинмес айтырыглар тургустунза, харылзажыр аргалары

 

Ø Телефон дугаарлары:

Ак-кыс Елена Михайловна – 8-929-315-91-81

    Монгуш Чечек Эрес-ооловна – 8-952-750-26-75

 

Ø  Электроннуг почта: nb-krai@mail.ru

Ø Адрезивис: Кызыл хоорай,

                   Ленин кудумчузу, бажың дугаары 21.

                    Национал болгаш чурт-шинчилел

                    чогаалының килдизи (2 дугаар каът)