Бөгүн Тыва үндезин культура төвүнге Тыва Республиканың алдарлыг ажылдакчызы, Тыва радионуң хоочун журнализи, ССРЭ-ниң Журналистер эвилелиниң кежигүнү, шүлүкчү Лидия Иргиттиң чогаадыкчы ажыл-ижиниң 50 чыл база «Ава» солуннуң чырыкче үнгенинден бээр 10 чыл болган оюнга тураскааткан хемчег болуп эрткен.
Ук хемчегге А. С. Пушкин аттыг Национал ном саңы «... Аккыр саазын, демир-үжүк – күштүг чепсээм» деп ном делгелгезин кылган.
Чалаткан аалчылар – Л. Иргиттиң очерктериниң маадырлары делгелгеде салдынган номнарны улуг сонуургал-биле көргеннер.
Лидия Херлииевна Бай-Тайганың Шуй сумузунуң Сайыр-Аксы деп черге төрүттүнген.
Ол 14 шүлүктер болгаш проза чогаалдарырының автору:
«Дая чечээ» (1991),
«Меңги дамыраа» (1996),
«Мөңгүн булак» (1999),
«Ынакшылдың ачызында» (2014)
«Чуртталгамның оруктары» (2018),
«Дегбес боо» (2021),
«Улуг-Хем кырында эзир» (2022) дээш оон-даа өске.
Лидия Иргиттиң журналист ажылы «Тываның херээженнери», «Тываның орден-хавыяалыг херээженнери», «Наадым-2008» Өвүрде», «Ажыл-иш амыдырал», «Кадыкшыл – алдындан үнелиг» деп очерктер чыындыларында парлаттынган.
Чогаалчының бижээн ажылдары төрээн Тывавыстың улуг-биче чоннун тыва чогаалдың онзагай делегейи-биле таныштырып, аныяк-өскенниң кижизиг мөзү-бүдүжүн хевирлээринге улуг салдарлыг.
Л. Иргит тыва журналистистиканың сайзыралынга эгээртинмес үлүг-хуузун кииргенин демдеглевес аргазы чок.
Лидия Херлииевнаның чымыштыг ажыл-ижинге мөгейбишаан, кайгамчык байырлалдары-биле алдын хүннүң херелдери дег, чылыг чырык өөрүшкү-маңнайны, буян-кежикти, быжыг кадыкшылды, сүлде-сүзүү бедик, чүткүл-соруу күштүг, демир-үжүү ылгын болурун йөрээдивис!
