1992 чылдың сентябрь 17-де Дээди Хурал доктаалын ёзугаар хүлээп алдынган.
«Тыва Республиканың Күрүне тугу ак-көк өңнүг дорт булуңнуг пөс болур. Туктуң туда талазында кыдыының үстүкү болгаш адаккы булуңнарындан ийленчек ак болгаш ак-көк дилиндектер үнген. Ак-көк дилиндектер каттышкаш, туктуң узун дуртун дургаар ооң ортузу-биле шөйлүп чоруткан чаңгыс дилиндек апаар. Аңаа чергелештир, үстүү болгаш адаа талазында ак дилиндектер шөйлүп чоруткан.
Туктуң үстүкү база адаккы булуңнарындан шөйлүп үнген ак дилиндектерниң аразында, туктуң солагай талакы кыдыында алдын (сарыг) өңнүг үш-булуңчук хевири чуруттунган. Туктуң калбаа ооң узунунга хамаарыштыр – 1:2 болур».
Туктуң өңнериниң утказы: «ак-көк өң – арыг дээрниң демдээ, бедик чаагай чүткүлдүң, ниитилелдиң эп-найыралы, бот-боттарынга хүндүткели. Ак өң – арыг, ажык, чаагай сеткилдиг, ниитилелди көргүскен. Сарыг (алдын өң) – бай, чөптүг күрүнениң демдээ. Ол ышкаш сарыг (алдын) өңде төөгүден бээр чаңчылчаан чүдүлгени, сарыг шажыны илередип турар».
Туктуң эскизиниң автору уран чурукчу, башкы Сат Оюн-оол Доктугу оглу.
(Тыва Республиканың Конституциязы (Үндезин Хоойлузу)
