Композиторнуӊ юбилейинге тураскааткан «Ыры – чалгыным, күжүм, чоргааралым» деп номнар делгелгези кылдынган.

Ында Х. Дамбаныӊ дугайында бижиттинген ажылдары, ажылдап чораан үезинден чуруктары, эртем-билиг чедип алган документилери база хол-биле бижээн ноталары салдынган. Ноталарда ооӊ чонга билдингир болу берген ырыларыныӊ аялгалары – «Мээӊ Тывам», «Авам, авам, ынак авам», «Кара-кара карактар» дээш оон-даа өскелерин көрүп болур.

Х. Дамбаныӊ хол-биле бижээн ноталары тураскаал номнар килдизинде шыгжаттынып чоруур.