Хүндүлүг коллегаларывыс – ном саӊыныӊ ажылдакчылары болгаш номчукчуларывыс!
База бир кайгамчык байырлал ном саңының хүнү-биле!
Ном саңы – билиглерже орук изээриниң үндезин дөзү. Ооң ужур-дузазы ниитилелге, кижиниң угаан-медерелиниң сайзыралынга чаа-чаа ажыдыышкыннарже базымны кылып, чедиишкиннерже чайгаар идигни бээр, бир-ле солун оранче сени чедип кииргеш, кандыг-даа аажы-чаңныг, янзы-бүрү мергежилдиң кижилери-биле ужураштырып, сагыш-сеткилди чырыдар, бурунгаар чүткүлдүүн оттурар.
Чылдың-на, май 27-де, Россияга ном саңының (библиотека) хүнүн профессионал байырлал кылдыр демдеглээрин, ол үеде РФ Президентизи Б. Н. Ельцин,1995 ч. чарлыкты үндүрген.
Ном саңының хүнү-биле силер бүгүдеге өг-бүлеңерге өөрүшкү-маңнайны, ажыл-ижиңерге, солун номнар арыннарында дег, тывызык, онзагай болуушкуннар үзүлбес болурун йөрээп, кол чүүл кадык-чаагай амыдыралды күзедивис!