Сүзүүм болган авайымнын сүдү ышкаш,

Сүүзуннүг, мага-боттан адырылбас,

Тынар агаар, сеткилимнин хөрзүнү бооп,

Тыва дылым, дамыр-ханда тудуш-тур сен

                                                                         Александр  Даржай   

Улустун чогаалчызы Александр Александрович Даржайның «Тыва дылым» деп шүлүү биле ажытпышаан, Тыва дыл хүнүнге тураскааткан тематиктиг кежээни Тыванын тудуг техникумунун сургуулдарынга абонемент килдизиниӊ ажылдакчызы эрттирген.

База ол ышкаш уруглар тыва чогаал-биле танышкан. Тываныӊ билдингир чогаалчылары: С. А. Сарыг-оол «Аӊгыр-оолдуӊ тоожузу», К. К. Кудажы «Уйгу  чок Улуг-Хем»,  М. Б.  Кенин-Лопсан  «Кырган-авай өпей ыры» дээш оон-даа өске чогаалдарын сургуулдар сонуургааннар.

Ном-саң ажылдакчызы Тыва дылывыстыӊ чараш, нептереӊгей, байлак дээрзин уругларга калбаа-биле тайылбырлаан. Кежээниң база бир солун болганы – уруглар тыва аас чогаалды кайы-хире билирин көргүскен. Олар болза үлегер домактар болгаш тывызыктарны тыварынга кончуг идепкейлии-биле киришкен.

Шылгарааннар белекчигештер-биле шаңнаткан. Уругларга  кежээ кончуг солун болуп эрткен.