Тыва Республиканың
Конституциязының (Үндезин хоойлузунуң) төөгүзү солун болгаш күрүне тургузуунга
хамаарышкан чугула документилерни ажылдап кылырынга кончуг улуг салдарлыг.
Бот-догуннаан күрүне Тыва Арат Республиканың тургустунганын 1921 чылдың август
15-те чарлаан бүгү чоннуң шуулганынга эң-не баштайгы тыва Конституцияны хүлээп алган.
ТР-ниң амгы
Конституциязы Тываның төөгүзүнде
сески конституция болуп турар.
2001 чылдын май 6-да хулээп алган Конституция
республикага болуп турган ниитилел-политиктиг нарын болуушкуннарның шылгалдаларын эрткен. Тыва Республиканың Конституциязы чангыс катап бижээн тапталчак чүүл эвес, а ниитилелде болуушкуннар-биле кады
сайзырап чоруур күрүне
документизи дээрзин үе көргүскен.
Ооң үндезининге
2003 чылдың июнь 24-те, 2005 чылдың
декабрь 28-те, 2010 чылдын апрель 11-де өскерилгелерни ТР-нин Дээди
Хуралы (парламентизи) аңаа кииргени
бадыткап турар.
Тыва Республиканын Конституциязынга хамаарыштыр ниитилел-политиктиг үзел-бодалдар янзы-бүрү болза-даа, Россия Федерациязының Конституциязынга бүрүнү-биле ол дүгжүп, республикада чогумчалыг байдалдың болгаш ооң бурунгаар хөгжүлдезиниң бүзүрелдиг
магадылалы дээрзин амыдырал көргүскен.
Тываның А. С. Пушкин аттыг
Национал ном саңының национал болгаш чурт-шинчилел чогаалының килдизинге 2022
чылдың май 4-те Тыва Республиканың Конституциязынга уткуштур Кызылдың 7 дугаар
ортумак школазының 7 «Б» клазының өөреникчилеринге «Тываның
болгаш Конституцияның төөгүзү» деп викторинаны килдистиң ажылдакчылары
эрттиргеннер.
Уруглар викторинага хамаарыштыр
салган айтырыгларга шын харыылап база идепкейлиг киришкеннер.
Килдистиң ажылдакчыларының
эрттирген викториназы уругларның
өөредилгезинге ажыктыг болуру чугаажок.
