А. С. Пушкин аттыг Национал ном саӊыныӊ
национал болгаш чурт-шинчилел чогаалының килдизи Маадыр-оол Бартыштаанович Ховалыгныӊ 75 харлаан юбилейи таварыштыр
биобиблиографтыг айтыкчыны белеткеп үндурген.
Айтыкчыныӊ эгезинде филология
эртемнериниӊ кандидады, очулдурукчу, чечен-чогаал
шинчилекчизи С. С. Комбу, М. Б. Ховалыгныӊ чогаадыкчы
ажыл-чорудулгазын, чогаалчыныӊ альпинизм талазы-биле
салым-чаяаныныӊ дугайында РФ-тиӊ болгаш
ТР-ниӊ күш-культура тергиини, альпинизмниӊ спорт мастериниӊ кандидады М. К. Кыргыс бижээн.
Библиографтыг айтыкчы 7 кезектен тургустунган:
I.
Маадыр-оол Ховалыг – прозачы.
II.
Турист, альпинист, рекордсмен
III.
Ховалыг М. Б. – Тываныӊ Улустуӊ чогаалчызы.
IV. Альпинист.
V. Чогаал шинчилээн болгаш публицистиг статьялары.
VI. Очулдурукчу.
VII. Намдары болгаш
чогаадыкчы ажыл-чурудулгазы.
Айтыкчыда чогаалчыныӊ 1986-2020 чылдарда бижээн
ажылдары кирген.
Хүндүлүг номчукчуларывысты Тываныӊ
улустуӊ чогаалчызы М. Б. Ховалыгныӊ чогаалдарыныӊ айтыкчызын номчуп
сонуургаары-биле А. С. Пушкин аттыг ном саӊынче чаладывыс!
