Шүлүкчү, журналист Натпий-оол Кара-оол
Доңгаковичиниң
75 харлаанынга
Натпий-оол Кара-оол
Доңгакович 1947 ч. март 5-те Улуг-Хем кожууннуң Чодураа суурга төрүттүнген.
Өөреникчи чылдары Чаатының 8 чыл, Шагаан-Арыгның № 2 ортумак школаларынга
эрткен.
Омскиниң совет-партия
школазын, Новосибирскиниң Дээди партия школазының журналистика факультедин, М.
Горький аттыг литература институдун дооскан.
Күш-ажылчы намдарын Ак-Талга
көдээ клуб эргелекчизинден эгелээн, комсомол, партия органнарынга секретарьлап,
Каа-Хем биле Улуг-Хем кожууннарының культура килдистерин эргелекчилээн. «Улуг-Хемниң
чалгыглары» деп чечен чогаал каттыжыышкынының удуртукчузу.
Чогаал ажылын 1965 ч.
эгелээн. «Ийи карааң» деп ынакшыл темазынга бижээн баштайгы шүлүү 1966 ч. «Сылдысчыгаш»
солунунга парлаттынган. Ук шүлүк чогаалчыныӊ ыры апарган шүлүктериниӊ аразынче
кирген, аӊаа аялганы Николай Чамбал бижээн.
Шүлүктериниң баштайгы
чыындызы «Өөрүшкүнүң сөзү» 1984 ч. чырыкче үнген, дараазында «Ынакшылдың сөөлгү
белээ» (1995), «Сыын-Чүрээ» (2003) шүлүктер чыындыларының автору.
С. Есенинниң, А.
Блоктуң, О. Хайямның шүлүктерин тыва дылче очулдурган. Ооң шүлүктери орус,
казах моол дылдарже очулдуртунгулаан. Улус-чонга билдингир сураглыг ырыларның
автору.
Кара-оол Натпий-оолдуӊ
чонга сѳңнээн чогаалдары тыва литературада бир онзагай турушту ээлеп турар
болгаш автор боду ѳскелерге дѳмейлешпес тускай үннүг шүлүкчү кылдыр ылгалып
кѳстүп турар.
ССРЭ-ниң Журналистер,
Тыва Республиканың Чогаалчылар эвилелдериниң кежигүнү, Тыва Республиканың
алдарлыг ажылдакчызы.
