Владимир
Сумакинович Биче-оол – Тыва Республиканың күш- культуразының болгаш спорттуң
алдарлыг аҗылдакчызы, тергиини, спорттуң национал хевирлеринге Россияның спорт
мастери, делегей чергелиг судья, республика чергелиг эрттип турган улуг
шуулганнарның, хүреш байырлалдарының, кайгамчык уран-чечен, чедингир
тайылбырлакчызы чораан.
Ол
Улуг-Хем коҗууннуң чараш бойдус чурумалдыг Эъҗим суурга, 1947 ч. февральдың
11-де, өг-бүлезиниң дун оглу бооп төрүттүнген. Бодунуң үе-чергелери-биле бир
дөмей, өскен төрээн чериниң сайзыралынга үлүг-хуузун киирип, аҗыл-агыйга, оюн-тоглаага
идепкейлиг кирҗип, бодунуң төрел-аймааның адын сыкпайн, оларының чоргааралы,
алдар-аттыг, хүндүткелдиг киҗилериниң бирээзи турган. Ооң мөге болур баштайгы
базымынче орукту адазы изээн. Ачазы ол үениң билдингир, шыырак мөгелериниң
санынга кирип турган.
Владимир
Сумакинович чүгле хүрешке эвес, ырлаарынга кончуг сундулуг болуп, школачы
чылдарында ниити ырыларның кол солизинге каш-даа удаа ырлап, шаңнал-макталдарга
төлептиин көргүскен.
30
аҗыг чылдар дургузунда, бүгү талазы-биле күш-культураның болгаш спорттуң
аңгы-аңгы адырларын удуртуп, башкарып аҗылдаан.
Ооң
бир онзагай талазы, бөдүүн, чончу, арга-сүмезин, аҗыт-чаҗыт чокка, аныяк
өскенге дамчыдып, оларның идегелдиг талалакчызы болуп, спорттуң янзы-бүрү
хевирлеринче эвилелдеп, хандыкшыдып, дыка хөй бедик деңнелдиг спортчуларны
белеткээни.
Төрээн чериниң хөгҗүлдези дээш,
спорттуң бурунгаар сайзыралынга бодунуң катаптаттынмас үлүг-хуузун киирип
чораан, хөй-ниитичи, санап четпес маргылдааларның кирҗикчизи, башкарыкчызы,
онзагай тайылбырлак-чызы Владимир Сумакинович чоннуң хүндүткелдиг мөгелериниң
бирээзи.
Төлептиг киҗилер каҗан-даа
уттундурбас!
