Салым-чаяанныг, билдингир хөгҗүмчү,
композитор Тыва Республиканың культуразының алдарлыг ажылдакчызы
Чамбыт Борис Салчаковичиниң төрүттүнген хүнү-биле!
Ол аҗыл-амыдыралының эрткен оруктарында ыры-хөгҗүмге
сундулуг аныяк салгалдың идегелдиг дагдыныкчызы, бодунуң ховар арга-мергежилин
дамчыдып бербишаан, Бай-Тайга коҗууннуң культура одааның бурунгаар
хөгҗүлдезинге улуг үлүг-хуузун киирген. Борис Салчакович кожууннуң культура
баҗыңының билдилиг удуртукчузу болуп, уран чүүлдүң сайзыралынга балаттынмас
исти арттырган. Ол хүндүлүг дыштанылгаҗе үнгүҗе чедир аҗылдаан.
Ооң бирги биҗээн аялгазы,1967 чылда, Өөлет Чиңмиттиң
сөзүнге «Чүшкүрбейн баарың ол бе?» деп ырызы дыргын тарай берген.
«Ырым сенде Улуг-Хемим», «Шокар аъттыг уруг»,
«Ырлаксанчыг Бай-ла-Тайгам», «Тѳрээн Тывам алдын черим», «Тываның улустуң
чогаалчылары-биле ырлажыылы» – деп чыындыларның автору. Хостуг үелеринде шүлүк
биҗиир, ооң шүлүктери «Улуг-Хем» альманагынга үнгүлээн. Бай-тайга коҗууннунуң гимн ырызының сөзүн, аялгазын
бижээн. Композиторувустуң кадыкшылы, сүлде-сүзүү, хей-аъды ам-даа бедик болурун
йөрээдивис.
