Эргим, хүндүлүг чонум!
Чаа үнүп олурар алды ак меңгилиг, кыс, демир олуттуг, ак өңнүг Инек чылында аа сүт дег, арыг-чаагай сеткилди, чалым хая дег, быжыг кадыкшылды, меңги хар дег, ак орукту, аржаан суу дег, арыг кежик-чолду йөрээдим.
Чаа чылда чогаадыкчы чедиишкиннер өг-бүлеңерге, ажыл-ижиңерге ара доктаавайн, улам-на делгерээр болзун!
Чаарттынган күзел-бодалдарыңар чаа чылда чогуп бүтсүн, чедип алган чедиишкиннериңер четчеленгеш быжыгланзын!
Аа сүдү эм-дом болган авыралдыг Инек чылы аъшты-чемни, байлакшылды, ажыл-агый, алдар-атты ала чайгаар сөңнээр болзун!
Шагаа-биле!