КАЗЫРЫКПАЙ Борис Оюлуевич

1957 чылдың июль 22-де Тыва автономнуг областың Мөңгүн-Тайга районнуң Кызыл-Хая суурга төрүттүнген.

Мугур-Аксы ортумак школазын, Кызылда күрүнениң башкы институдунуң филология факультедин дооскан.
Кижизидикчи бооп, дараазында Мөген-Бүрен, Мугур-Аксы школаларынга башкылап, улус өөредилге килдизинге инспектор, «Башкы» сеткүүлге оралакчы редактор кылдыр ажылдаан.  Шүлүкчү, очулдурукчу.

Чогаал ажылын 1988 чылда эгелээн.
Ооң бижээн шүлүктери, очулгалары республика солуннарынга, «Улуг-Хем» сеткүүлүнге үнгүлээн. «Бодалдар» деп ному 2000 чылда чырыкче үнген.
О.Хайямның, В.Шукшинниң, Б.Укачинниң чогаалдарын, кыдат, япон лириканы тыва дылче очулдурган.