1994 чылда Россия
Федерациязының баштыңы Борис Ельцинниң чарлыы ёзугаар август 22 Күрүне тугунуң
байырлал хүнү кылдыр бадыткаттынган. Оон бээр чаңчыл болуп, чыл санында-ла
Россияның аңгы-аңгы булуңнарынга, август 22-де Күрүне тугунга тураскааткан
байырлыг чыскаалдар, солун хемчеглер болуп эрттип турар.
Аңаа уткуштур А. С.
Пушкин аттыг ном саңының социал-экономиктиг литература килдизиниң зажылдакчылары,
ажыктыг болгаш солун викторинаны, Тываның кем-херек үүлгедикчилериниң истелге
үезинде хоругдаттырган черинде назы четпээн дыңнакчыларга эрттирген (ФКУ СИЗО
г. Кызыл).
Тук – дээрге
чурттуң Ыдык күрүне демдээ болуп турар. Ооң тыптып келгени болгаш үе-шагдан
кандыг өскерлиишкиннерге таваржып турганының дугайында презентацияны
библиотеканың ажылдакчылары тайылбырлап көргүскеннер. Туктуӊ төөгүзүнден аңгыда,
ооӊ өңнери чүнү илередип турарын назы четпээн оолдар сонуургап дыңнааннар. Чүгле
Россия Федерациязының эвес, а Тыва Республиканың тугунуң дугайында база килдистиң
ажылдакчылары чугаалап берген. Туктуң автору билдингир чурукчу Сат Оюн-оол деп
элээди дыңнакчылар билип
алганнар.
Хемчегниң төнчүзүнде библиотеканың ажылдакчылары тук
дугайында викторинаны эрттирген. Оолдар улуг сонуургал-биле айтырыгларга
харыылап турган.
Тываның кем-херек
үүлгедикчилериниң истелге үезинде хоругдаттырган чери (ФКУ СИЗО г. Кызыл) биле Тыва Республиканың А. С. Пушкин
аттыг ном саңының кады ажылдажылгазы моон-даа соңгаар уламчылаар.
