Хүндүлүг херээжен чонувус! Частың башкы байырлалы Бүгү делегейниң херээженнер хүнү Март 8-биле!
Амыдыралдың каастакчылары силерге чараш байырлалывыс таварыштыр, алаак-шыкта айыраң каас, янзы-бүрү чечектер дег, өөрүшкү-маңнайны, каң дег быжыг кадыкшылды, ажыл-ижиңерге чайынналчак чедиишкиннерни, амыр-тайбыңны күзедивис!Силерни чоок кижилериңерниң хүндүткели, ынакшылы, бүзүрели кезээде чылыдып, чырыдып чорзун!
Хүндүткел-биле, А. С. Пушкин аттыг Национал ном саңының удуртукчузу Эртине И. А. база коллективХерээженнер эвес болза
Херээженнер эвес болза,
Кээргээр сеткил уяралды тывар бис бе?
Ажы-төлдү чылыктырар
«Авай» деп сөс чалынналдыр кывар деп бе?
Өнер чашты тааладыр
Өпей ыры ааткыышка дыңналыр бе?
Херээженнер эвес болза,
Кедерел-даа, уярал-даа кайын кээрил?
Чүм хар ышкаш, муңгаш черлеп,
Чүректерже орукту кым айтып бээрил?
Сеткилимден ынчангаштың
Чечектерни херээженге сунуп чор мен.
Төөгүнүң чаяалгазы херээженнер эвес болза,
Төрээн чуртка төлеттинмес өре-ширем
Кезик-чамдыын кымнар-биле үлежир мен?
Сеткилимден ынчангаштың
«Четтирдим» деп,
Херээженге сөглеп чор мен. (С.Бюрбю, 1975)
