Октябрь 24-те, А. С. Пушкин аттыг национал ном саңынга «Чылыг сөстүң одаа» деп чогаал бөлгүмүнүң ээлчеглиг чыыжы болуп эрткен

Октябрь 24-те, А. С. Пушкин аттыг национал ном саңынга «Чылыг сөстүң одаа» деп чогаал бөлгүмүнүң ээлчеглиг чыыжы болуп эрткен

28 октября 2025, Вторник

Октябрь 24-те, А. С. Пушкин аттыг национал ном саңынга «Чылыг сөстүң одаа» деп чогаал бөлгүмүнүң ээлчеглиг чыыжы болуп эрткен. Аңаа «Ава кижи кандыг болур ужурлугул?» деп темага Кызылдың эрге-хоойлу болгаш экономика техникумунуң сургуулдары база удуртукчу башкызы И. А. Дамба-биле төгерик столду чурт-шинчилел чогаалының килдис ажылдакчылары эрттирген.

«Ава» деп сөс бодунда дыка хөй чылыгны, чырыкты сиңирип алган чоруур. Ава кижиниң сүлдези бедик, холдары эң-не чылыг, чымчак, эргим, сагыш-сеткили ажык, ажы-төлге ынакшылы кажанда-даа өшпес. Ава дээрге-ле алдын хүнүвүс, өртек чок дириг эртиневис!

Ава темазынга бижиттинген чогаалдар чогаалчы кижи бүрүзүнде бар дизе чазыг болбас. Чижээлээрге: А. Даржайның «Ава», «Авамга боодал чечээм» деп сонеди, Т. Карыманың «Иениң буяны» деп тоолчургу чугаазы, Б. Дыгындайның «Кымның авазы эң чаражыл?», С. Сүрүң-оолдуң «Авазынга даңгырак» дээш, оон-даа өске чогаалдарны адап болур. Ында ава кижилерни төлептиг овур-хевирлиг кылдыр бижээн, чогаалдарның маадырлары авазынга ынакшылы күштүг болганындан, олар чүге-даа торулбас, кандыг-даа бергедээшкиннерни ажып эрте бээрлер.

Ак биле кара, өөрүшкү биле муңгаралдың кезээде кады чорууру ышкаш, ажы-төлүнге хамаарылгазы сыр дедир, каржы-хажагай, кээргээр сеткил чок аваларның дугайында бижиттинген чогаалдарны төгерик столга чугаалашкан. Ол кандыг чогаалдарыл дээрге, Тываның Улустуң чогаалчызы М. А. Күжүгеттиң «Өре» деп тоожузу. Ук чогаалда хөй ажы-төлдүг ие Анайбан Дүгеровнаның кадыы баксыраан соонда, хеймер уруу Салимаа чааскаан авазын ажаап-тежээп, ашкарып-чемгерип, эмнеп-домнап турар. А арткан ажы-төлү авазын азыраар чайы чок, ону күрүне азыралынче чорудуптар дээрзинге чөпшээрелин берип турарлар...

Дараазында база-ла М. Күжүгеттиң «Чемниң амданы» деп чечен чугаазы, Э. Донгактың «Четкерлерге чагааларым», Ш. Суваңның «Чагаа» деп тоожузу, Б.-Б. Тараачының «Орук олчазы» деп чечен чугаазын сайгарып чугаалашканнар. Бо чогаалдар чоннуң аразында чидигленип келген айтырыгларга даянмышаан бижиттинген.

Төгерик стол сургуулдарга солун болгаш ажыктыг болуп эрткен.

Предыдущая новость

Следующая новость

Последние новости

18 марта, Среда

Норбу Тамара Чаш-ооловнаның 105 харлаанынга

Норбу Тамара Чаш-ооловна – сураглыг күрүне ажылдакчызы, хөй-ниитижи, Тываның Профэвилелдер баштыңчызы (1959–1982), Дээди Чөвүлелдиң баштайгы даргазы, хөй чылдар дургузунда республиканың Херээженнер чөвүлелиниң удуртукчузу, Алдан-Маадыр аттыг чурт-шинчилел музейиниң директору (1985–1989), Тураскаалдар камгалаарының тыва ниитилелиниң харыысалгалыг секретары, дайынның болгаш күш-ажылдың хоочуннар чөвүлелиниң даргазы, «Күш-ажылдың Кызыл Тук», «Хүндүткелдиң демдээ», «Тайбың болгаш найырал» орденнериниң эдилекчизи,Тыва Республиканың алдарлыг ажылдакчызы (2006), Кызыл хоорайның хүндүлүг хамаатызы (2004) чораан.

15 марта, Воскресенье

Хензиг-оол Күжүгет Балдановичиниң 100 харлаанынга

Хензиг-оол Күжүгет Балданович – тыва цирктиң үндезилекчилериниң бирээзи, жонглёр, эквилибрист, РСФСР-ниң алдарлыг артизи (1969), Тыва АССР-ниң Улустуң артизи (1964), бодунуң салым-чаяанныг уран чүүлү-биле төрээн чуртун хөй-хөй күрүнелерге алдаржыдып, чүгле тыва эвес, российжи цирктиң билдингир артистериниң бирээзи чораан.

14 марта, Суббота

В Национальной библиотеке сегодня прошли дебаты на тему: «Высшее образование — необходимость или устаревший стереотип»

В дебатах участвовали школьники Государственного лицея и второй школы Кызыла. Модератором игры выступил Илья Кудрин, лектор Российского общества «Знание».