Сентябрь 1-де эки турачыларның төөгүлүг сактыышкын болгаш алдар-адының
хүнүнге уткуштур Тыва Республиканың А.
С. Пушкин аттыг национал ном саңының чурт-шинчилел чогаалы болгаш национал библиография
килдизи «Эки турачы аъттыг эскадрон» деп аттыг хемчегни Кызыл хоорайның бир дугаар М.
А. Бухтуев аттыг школаның 9-ку классчыларынга эрттирген.
Өөреникчилерге килдистиң ажылдакчылары Ада-чурттуң
Улуг дайынының кадыг-дошкун чылдарының үезинде «Бүгү-ле күштү фронтуже!» деп
кыйгырыгның адаа-биле Тываның арат чону акы-дуңмалышкы Совет Эвилелиниң
чоннары-биле бир дөмей, ок-боозун холга туткаш, немец-фашистиг эжелекчилерни
узуткаарынга киржир күзелин дайынның баштайгы хүнүнде-ле даңгыраглаан. Оларны Чазак бажыңының мурнундан, 1943 чылдың
сентябрь 1-ниң хүнүнде, 206 эки турачы аъттыг эскадрону үдээниниң дугайында
чугаалаан.
Эки турачы Сундуй Михаил Белековичиниң
«Эки турачы аъттыг эскадрон» деп номунда «Ада-чурттуң Улуг дайынының
чылдарында маадырлыы-биле тулчуп
чораан дайынчы эки турачы эштериниң дугайында
база Алексей Конгарның «Тыва Арат
Республиканың эки турачыларының дайынчы оруу» деп номунда эки турачыларны сентябрь 1-де
дайынче үдеп турганы-биле таныштырган.
Хемчегниң үезинде ѳөреникчилер «Тыва эки
турачыларның ады-биле адаттынган кудумчулар дугайында» салган айтырыгларга идепкейлиг
киржип, шын харыыларны бергеннер.
Олар
тыва эки турачыларның ады-биле адаттынган кудумчулар чүгле
Тывада эвес,
өске-даа черлерде барын сонуургап, ол
ышкаш чаңгыс чер-
чурттугларының дугайында дыка хөй төөгүлүг чүүлдерни билип алганнар.
