Тыва
Республиканың ѳѳредилгезиниң алдарлыг ажылдакчызы, Тываның Чогаалчылар
эвилелиниң кежигүнү Галина Достай Национал ном саңынга «Адам тѳѳгүзү – алдын, ием тѳѳгүзү – мѳңгүн»
деп номун белекке берген.
Галина
Достай ачазының бижээн тѳѳгүзүнге даянып алгаш, ѳгбелериниң ада-ызыгуурун, аймаан чедиги
салгалга чедир шинчилээш, номунда оларның допчу намдарын долузу-биле таныштырып
бижээн. Аймак-чонунуң тѳѳгүзүн ѳѳренип, шинчилеп турда, ооң тѳрелдери улуг
үлүг-хуузун киириштирип, допчу намдарларны тодарадып, элээн хѳй
сактыышкыннар-биле үлешкеннер.
Ук
ном авторнуң тѳрел-дѳргүлүнге, ѳзүп орар салгакчыларынга арттырып турар
эртинези-дир.
«“Ыяш дазылы-биле быжыг, кижи тѳѳгүзү-биле
быжыг” деп чоннуң
үлегер домаа бар. Бис ѳгбелеривистиң улаштыр дискен “чинчилери” бис, ынчангаш кижи бүрүзүн бижип,
демниг болганывыска,
канчап черле чоргаарланмас боор» –
деп, Галина Достай бадыткап бижээн.
Хүндүлүг номчукчулар! Национал библиотеканың
чурт-шинчилел чогаалы болгаш национал библиография килдизинге кээп, чаа номну сонуургап болур силер.
