Хүндүлүг хоочуннарывыс база ном саӊыныӊ ажылдакчылары, номчукчуларывыс!
База бир онзагай байырлал ном саңының хүнү-биле!Чылдың-на, май 27-де, бүгү Россияга ном саңының хүнүн профессионал байырлал кылдыр демдеглээрин, ол үеде РФ-тиң Президентизи Б. Н. Ельцин (1995ч) чарлыкты үндүрген.
Ном саңы – эртем - билигже орук изээриниң үндезин дүлгүүрү. Ооң ужур-дузазы кайгамчык. Ол силерниң өңнүүңер, сүмелекчиңер, дузалакчыңар. Ниитилелге, кижиниң угаан-медерелиниң сайзыраарынга, чаа-чаа ажыдыышкыннарже базымны кылып, чедиишкиннерже чайгаар идигни бээр, бир-ле солун оранче сени үдеп кииргеш, янзы-бүрү мергежилдиң кандыг-даа аажы-чаңныг кижилери-биле ужураштырып, сагыш-сеткилди доюлдурар, чырыдар, бурунгаар чүткүлдүүн оттурар. Оон үе, чада аайы-биле аңгы-аңгы чоннарның эрткен оруктарының төөгүлүг арыннарын, ажыл-амыдыралын, каас-шиник бойдузун тып, номчуп, билип алыр аргалыг.
Ном саңының хүнү-биле Силерге ажыл-ижиңерге солун номнар арыннарында дег, онзагай болуушкуннар үзүлбес болурун күзеп, кол чүүл кадык-чаагай амыдыралды, өөрүшкү-маңнайны, тура-сорууңар кезээде бедик болурун йөрээдивис!
Улуг-биче номчукчулар хүннүң-даңның
Удаа - дараа улай - улай үнген – кирген,
Эртем-билиг эртинени кадагалаан
Эгээртинмес үүжелиг ном саңы.
Хүндүткел-биле,
А. С. Пушкин аттыг ном саӊыныӊ директору Ирина Эртине.
