«Йөрээл сөстүң мастери - шүлүкчү» деп номнар делгелгези

20 января 2025, Понедельник

Чурт-шинчилел чогаалы болгаш национал библиография килдизи тыва литератураның үндезилекчилериниң бирээзи шүлүкчү, прозачы, Чогаалчылар эвилелиниң кежигүнү Бай-Кара Дамчаевич Хөвеңмейниң 110 харлаанынга «Йөрээл сөстүң мастери - шүлүкчү» деп номнар делгелгезин кылган.

Чогаалчы 1915 чылдың январь 20-де Таңды-Тываның Салчак кожууннуң Баян-Колга төрүттүнген.

Москвада Чөөн чүк улустарының Коммунистиг университедин дооскан.

Ажылчын базымын Тываның типографиязынга өрүкчүлеп эгелээн. «Шын» солун болгаш баштайгы тыва номнарны үндүрүшкен.

Чогаал ажылын 1934 чылда эгелээн. «Октябрьның тугу» деп баштайгы шүлүү ол-ла чылын «Шын» солунга парлаттынган.

Ооң чогаалдары «Аревэ шыны» солунга, «Революстуң херели» сеткүүлге парлаттынган. Ол «Ѳңнүктер-биле кады» (1955), «Уруглар болгаш улуглар» (1963), «Азияның чүрээ» (1965), «Октябрьдан октаргайже» (1984), «Кым улугул?» (1995) деп номнарның автору.

Тыва дылче А. Пушкинниң, М. Лермонтовтуң, С. Шипачевтуң, Н. Тихоновтуң, С. Маршактың, М. Рыльскийниң чогаалдарын очулдурган. Ооң чогаалдары орус, хакас, якут, бурят, алтай дылдарже очулдуртунган.

1942 чылдан эгелеп Тыва Арат Республиканың база 1945 чылда ССРЭ-ниң Чогаалчылар эвилелдериниң кежигүнү.

«Хүндүлелдиң демдээ» ордени-биле, «Шылгараңгай күш-ажыл дээш» деп медаль-биле шаңнаткан. Тыва АССР-ниң культуразының алдарлыг ажылдакчызы чораан.

Предыдущая новость

Следующая новость

Последние новости

18 марта, Среда

Норбу Тамара Чаш-ооловнаның 105 харлаанынга

Норбу Тамара Чаш-ооловна – сураглыг күрүне ажылдакчызы, хөй-ниитижи, Тываның Профэвилелдер баштыңчызы (1959–1982), Дээди Чөвүлелдиң баштайгы даргазы, хөй чылдар дургузунда республиканың Херээженнер чөвүлелиниң удуртукчузу, Алдан-Маадыр аттыг чурт-шинчилел музейиниң директору (1985–1989), Тураскаалдар камгалаарының тыва ниитилелиниң харыысалгалыг секретары, дайынның болгаш күш-ажылдың хоочуннар чөвүлелиниң даргазы, «Күш-ажылдың Кызыл Тук», «Хүндүткелдиң демдээ», «Тайбың болгаш найырал» орденнериниң эдилекчизи,Тыва Республиканың алдарлыг ажылдакчызы (2006), Кызыл хоорайның хүндүлүг хамаатызы (2004) чораан.

15 марта, Воскресенье

Хензиг-оол Күжүгет Балдановичиниң 100 харлаанынга

Хензиг-оол Күжүгет Балданович – тыва цирктиң үндезилекчилериниң бирээзи, жонглёр, эквилибрист, РСФСР-ниң алдарлыг артизи (1969), Тыва АССР-ниң Улустуң артизи (1964), бодунуң салым-чаяанныг уран чүүлү-биле төрээн чуртун хөй-хөй күрүнелерге алдаржыдып, чүгле тыва эвес, российжи цирктиң билдингир артистериниң бирээзи чораан.

14 марта, Суббота

В Национальной библиотеке сегодня прошли дебаты на тему: «Высшее образование — необходимость или устаревший стереотип»

В дебатах участвовали школьники Государственного лицея и второй школы Кызыла. Модератором игры выступил Илья Кудрин, лектор Российского общества «Знание».