Февраль айның 6-ның хүнүнде А. С. Пушкин аттыг ном саңының национал чурт-шинчилел болгаш чогаал килдизиниң ажылдакчылары Кызылдың 2 дугаар школазының 5 «г» клазының өөреникчилеринге, удуртукчу башкызы Өлчей Саида Александровна-биле Шагаа байырлалынга уткуштур «Ойнаалыңарам, че» деп темалыг солун хемчегни эрттиргеннер.
Уруглар «Октаргай», «Сылдыстар» деп чараш аттар-биле, ийи аңгы бөлүк кылдыр үстүп алгаш, мɵɵрейлешкеннер.
ϴɵреникчилер хемчегни аажок сонуургап, үлегер домактарга, тывызыктарга, узун-тыныш, дүрген-чугаа мөөрейлеринге идепкейлии-биле киришкеннер. Шаг шаандан тыва чоннуң ойнап келген оюннарын (тевек, шыдыраа, чинчи чажырары) улуг сонуургал - биле ойнааннар. Түңнелинде «Октаргай» бөлүү тиилекчи болуп, кижи бүрүзү хол белектерин алганнар.
