Национал болгаш чурт-шинчилел
чогаалдарының килдизи октябрь айның 20-ден 26 хүннеринде Россияда
башкының болгаш дагдыныкчының чылынга тураскаадып, бичии болгаш элээди уруглар
аразынга «Библиотекарь-башкы-дагдыныкчы»
(«Библиотекарь-педагог-наставник») деп республика чергелиг мɵɵрейни эрттирген.
Хемчегниң
кол негелдези – өөреникчи бодунуң школазында, суурунда азы хоорайында
дагдыныкчы, үлегерлиг ажылдап чоруур
библиотекарь-башкызының дугайында электроннуг презентацияны, видеороликти кылгаш,
килдистиң электроннуг почтазынче чорудар. Чарлаттынган мɵɵрейге республиканың 9
кожууннарындан база К. Чуковский аттыг Тɵп уруглар ном саңындан киржикчилер
ажылдарын чоруткан.
Мɵɵрейниң
түңнелинде 1-ги черни Кызылдың № 15 дугаар лицей-школазының 2 «а» клазының
өөреникчизи Дарина Ооржак
(библиотекарь-башкызы Ондар Сырга
Владимировна), 2-ги черни Чеди-Хөл кожууннуң төпчүткен моделдиг ном саңының
ажылдакчызы Долаана Монгуш, 3-кү
черни Алдын-кыс Дамчай, Ак-Дуруг
суурнуң бичии уруглар ном саңының ажылдакчызы, алган. Ол ышкаш Ай-кыс Шыырап (Бии-Хем кожууннуң Туран
хоорайдан) «Онзагай эссе» деп атка
төлептиг болган.
Ук конкурска
идепкейлиг киржип, ажылдарын чоруткан кожууннар: Барыын-Хемчик кожууннуң
Кызыл-Мажалык суурнуң моделдиг бичии уругларының ном саңы, Бии-Хем кожууннуң Туран
хоорайдан, Чөөн-Хемчик кожууннуң Чадаана хоорайның № 1 дугаар школазы, Мөңгүн-Тайга
кожууннуң Мугур-Аксы, Сүт-Хөл кожууннуң Кызыл-Тайга, Таңды кожууннуң Бай-Хаак суурунуң уруглар ном
саңы, Тес-Хемниң Самагалдай база Чаа-Хөл кожууннуң уруглар ном саңы.
Тергиин
болган ажылдарны Национал библиотеканың интернет четкизинге салыр.
Идепкейлиг
киришкеннерге четтиргенивисти илередип, моон-даа соңгаар чогаадыкчы
чедиишкиннерни күзедивис.
