А. С. Пушкин аттыг Национал ном саңының мурнундан силер бүгүдеге Тыва дыл хүнү-биле байыр чедирерин чөпшээреп көрүңер!
Дыл – чоннуң тускайлаң, өскелерден онзагай болурунуң эң кол демдээ, сагыш-сеткилиниң илередикчизи. Тыва чонувустуң ыдыкшылы болур төрээн тыва дылывыска тураскааткан дараазында шүлүктеривисти бараалгаттывыс!
Сүзүүм болган авайымның сүдү ышкаш,
Сүүзүннүг, мага-боттан адырылбас,
Тынар агаар, сеткилимниң хөрзүнү бооп,
Тыва дылым, дамыр-ханда тудуш-тур сен.
«Тыва дылым»
Александр Даржай.
Хүндүткел-биле,
ТР-ниӊ А. С. Пушкин аттыг ном саӊыныӊ
удуртукчузу Ирина Эртине.
