Бистиң национал болгаш чурт-шинчилелдер чогаалының килдизинде октябрь 21-де Россия Федерациязының болгаш Тыва Республиканың чогаалчылар эвилелиниң кежигүнү, шүлүкчү, прозачы Туң-оол Октябрь Кыргысовичиниң 80 харлаан юбилейинге тураскааткан «Сɵстер дизии» деп номнар делгелгези салдынган.
О. К. Туң-оол 1943 чылдың октябрь 21-де
Тыва Арат Республиканың Улуг-Хем кожууннуң Эйлиг-Хем суурунга малчын арат
өг-бүлениң ийи дугаар оглу бооп төрүттүнген. Чашкы база чалыы үелерин чогаалчы
Чаа-Хөл суурунга эрттирген. Аңгы-аңгы чылдарда, хөй-хөй ажылдарга: көдээ культура
бажыңын эргелекчилеп, тудуг черлеринге тудугжулап, харылзаа черинге
электромонтёрлап, совхозка слесарь-даа бооп ажылдап келген.
1970 чылда Кызыл хоорайның эмчи
училищезинге өөренип кирип алган. Өөредилге черин, 1973 чылдың июнь айда,
дооскаш, Улуг-Хем кожууннуң Арыг-Үзүү суурунуң төп эмнелгезинге диш эмчизи бооп
ажылдап кирип алган.
Чогаал ажылын 1973 чылдар үезинде бижип эгелээн. Бир дугаар шүлүү 1973 чылда «Тываның аныяктары» солунунга парлаттынган.
Октябрь Кыргысовичиниң бир дугаар ному «Кавай
черим» деп аттыг 1993 чылда чырыкче үнген. 1995 чылда «Чеди-Хаан» деп шүлүктер
чыындызы парлаттынган. 2008 чылда сонеттер, шүлүктер, очулгалар чыындызы «Үшкү
эрик» деп аттыг үнген. 2001 чылда «Буруулугну бурган билир» деп чечен чугаалар
чыындызы чогаалчының ажылынга бир дугаар калбак чогаал бооп бижиттинип үнүп
келген. «Дываажаңны көрген кижи» – ийи кезектиг, тоожу, чечен чугаалар,
шүлүктер чыындызы кылдыр 2014 чылда үнген.
Делгелгеде
«Улуг-Хем» сеткүүлдеринге, солуннар арыннарынга үнгүлээн чогаалдары салдынган.
О. К. Туң-оол 2019 чылдың февраль 11-де
мөчээн.
Хүндүлүг номчукчуларывысты О. К.
Туң-оолдуң юбилейинге
тураскааткан «Сɵстер дизии» деп делгелгени көрүп, номчуп
сонуургаары-биле А. С. Пушкин аттыг ном саӊының национал болгаш чурт-шинчилелдер
чогаалының килдизинче чаладывыс!
