Бо төөгүлүг хүнге хамаарыштыр национал болгаш чурт-шинчилел чогаалдар килдизиниң ажылдакчылары Кызылдың 2 дугаар школазының 5 «д» клазының өөреникчилеринге солун хемчегни эрттирген. Класстың удуртукчу башкызы Ѳлчей Саида Александровна.

Ук хемчегге электроннуг презентацияның дузазы-биле уруглар Тываның төөгүзүн, ооң үе аайы-биле сайзыралын болгаш Россияның составынга кирген төөгүлүг хүннү билип алганнар.

Өөреникчилер Тываның тугунуң, сүлдезиниң дугайында тодаргай харыыларны берип, айтырыгларга идепкейлиг киришкеннер. Түңнел кезээнде Тываның ыдык ырызын ырлап доосканнар. Класс башкызы база уруглар хемчегни улуг сонуургал-биле дыңнап, ажыктыг чүүлдерни билип алганынга четтиргенин илереткеннер.

Национал ном саңының турар адрези:
Ленин кудумчузу, б. 21 (кол корпус),
Ленин кудумчузу, б. 27 (уран чүүл болгаш спорт килдизи),
Кочетова кудумчузу, б. 27 (номчулга залы)