Бөгүн, август 17-де, Тываның А. С. Пушкин аттыг Национал ном саңынга Россия Федерациязыныӊ культуразыныӊ алдарлыг ажылдакчызы, Тываның Улустуң чогаалчызы, шүлүкчү болгаш журналист Артык Хɵм-Оттуковна Ховалыгныӊ 2023 чылда үндүрген «Өндүр өкпең өң» деп номунуӊ таныштырылгазы болуп эрткен.
Ужуражылгага Артык Хөм-Оттуковнаның Тываның улустуң чогаалчылары Черлиг-оол Куулар, Кара-Күске Чооду, Николай Куулар, Тываның чогаалчылар эвилелиниң даргазы Сайлыкмаа Комбу, Тыва Республиканың чогаалчылар эвилелиниң даргазы Саяна Өндүр, Тываның чогаалчылар эвилелиниң даргазының оралакчызы Александр Ондар болгаш чогаалчының уруу, уйнуу, чоок кижилери, мөгейикчилери киришкеннер.
Ол ышкаш база ужуражылганы каастап, хөгжүмнүг байырны Тываның алдарлыг артизи Вероника Чооду аян тудуп бараалгаткан.
