Тываның А. С. Пушкин аттыг Национал ном саңының национал
болгаш чурт-шинчилел чогаалының килдизинге Тыва Республиканың прокуратуразының
аныяк специалистеринге килдистиң ажылдакчызы «Оруктарның ортузунда онза хоорай Чадаанамны» деп электроннуг
номнар делгелгезин көргүскен.
Ук делгелгеде Чадаана хоорайның төөгүзүн, ыдыктыг
черлерин болгаш ажыл-агыйын бижээн номнарны, солун сеткүүлдерни таныштырган.
Тыва Республиканың прокуратуразының аныяк специалистери
электроннуг номнар делгелгезин улуг сонуургал-биле көрүп, хоорайның
кызыгаарланып турар кожууннарын болгаш Чөөн-Хемчик кожууннуң сумуларын сактып
чугаалашканнар.
