Национал болгаш чурт-шинчилел чогаалдарының килдизи июнь 27 – Бүгү Россияда аныяктар хүнү болганда, «Тува – территория молодости» («Тыва – аныяк назынның девискээри») деп номнар делгелгезин кылган.
Делгелгеде Тываның аныяктар агенствозунуң даргазы Эртине Куулар база «Тываның буянныг чүректери» деп аныяктар шимчээшкининиң даргазы Артыш Монгуш-биле кылган чугааны бижидип каан ажылды, Тываның культуразын сайзырадып чоруур, салым-чаяанныг аныяктарның дугайында чуруктарны, аныяк чогаалчылар С. Шивитпей, Ш. Мааты-оол, А. Маадыр-оолдуң чогаалдарын база эртемденнерниң ажылдарын делгээн.
Оон ыңай өзүп олурар келир салгал сонуургап номчузун дээш, улуг чогаалчылар С. Сүрүң-оолдуң «Ынакшыл-дыр», К.-Э. Кудажының «Ыржым булуң», Ш. Кууларның «Баглааш» деп чогаалдары база салдынган.
