2023 ч. апрель 6-да бистиң ном саңының национал болгаш чурт-шинчилел чогаалының
килдизинге Тываның улустуң чогаалчызы, шүлүкчү, прозачы, очулдурукчу
Николай Шагдыр-оолович Кууларның 65 харлаан юбилейинге тураскааткан хемчег
болуп эрткен.
Ужуражылгага Николай Кууларның допчу
намдарын, чогаадыкчы ажыл-ижин килдистиң ажылдакчызы болгаш чалаткан аалчылар: Тыва
Республиканың чогаалчылар эвилелиниң даргазы С. М. Өндүр, Тыва Республиканың
улустуң чогаалчызы М. А. Кужугет, журналист, чогаалчы, РТ-ниң культуразының
алдарлыг ажылдакчызы Л. Х. Иргит солун, өөредиглиг кылдыр Кызылдың башкы
колледжизиниң сургуулдарынга, 2 дугаар школаның өөреникчилеринге таныштырган.
Чогаалчының сөзүнге бижиттинген
билдингир композиторларның: Сергей Бадырааның, Владимир Серенниң ырыларын Тыва
Республиканың болгаш Моол күрүнениң алдарлыг артизи Титов Санчат («Даңгына»),
«Аян
тудаал» деп ыр ансамблиниң ыраажылары («Тыва
оол мен», «4 Түлүш 1 Донгак»), Тыва Республиканың алдарлыг артизи Мерген Куулар
(«Чоза хемим»), Өвүр кожууннуң алдарлыг ажылдакчызы Каадыр Чымбалак («Катап
келбес») чалаткан аалчыларга аян тудуп күүсеткенин аалчылар улуг сонуургал-биле
дыңнааннар.
Хемчегниң төнчүзүнде сургуулдар
чогаалчылар-биле төөгүлүг чурукка тырттырып алганнар.
