Чылдың-на,
май 27-де, бистиӊ чуртка библиотека хүнүн профессионал байырлал кылдыр
демдеглээрин Россия Федерациязының Президентизи, 1995 ч., Б. Н. Ельцин чарлыкты
үндүрген. Оон бээр-ле бүгү Россияныӊ библиотекалар хүнүн демдеглеп эгелээн.
Библиотеканың
байлаа, ооң ужур-дузазы ниитилелге, кижиниң угаан-медерелиниң сайзыралынга
чаа-чаа ажыдыышкыннарже базымны кылырынга чайгаар идигни бээр.
Библиотеканың
полкаларында дең-дески кылдыр чыскаай салган
номнар, чежемейниң-даа шимээн чок турар болза, ол сээң өңнүүң, дузалакчың, сээң
угаан-медерелиңни чырыдып, сагыш-сеткилиңни чымчадып, бир-ле солун оранче сени
чедип кииргеш, кандыг-даа мергежилдиң кижилери-биле ужураштырар.
Библиотека – үе-чада аайы-биле аңгы-аңгы чоннарның эрткен оруктарының
төөгүзүн, амыдырал-чуртталгазын, ажыл-амыдыралын таныштырар төттүнмес үүжениң
ораны.
Ынчангаш библиотека
хүнү-биле библиотекарьларга, номчукчуларга изиг байырывыс чедирип, быжыг
кадыкшылды, шаптараазын чок ажык орукту, сүлде-сүзүү
бедик болурун йөрээдивис!
Хүндүткел-биле,
ТР-ниӊ А. С. Пушкин аттыг
ном саӊыныӊ удуртукчузу И. А. Эртине