2022 чылдыӊ апрель 22-де «Тыва күрүнениӊ тургузукчузу» деп Монгуш
Буян-Бадыргыныӊ 130 чыл оюнга таварыштыр электроннуг номнар таныштырылгазын Кызылдыӊ № 17
дугаар школазыныӊ 8 «Б» (МЧС) клазынга А. С. Пушкин аттыг Национал ном саңының
национал болгаш чурт-шинчилел чогаалының килдизиниң ажылдакчызы Кызыл-оол А. Н. эрттирген. Уруглар кичээнгейлиг дыӊнап, сонуургаан
айтырыгларын салганнар.
Монгуш Буян-Бадыргыныӊ ада-өгбези кымнарыл, ол каяа өзүп-доругуп, өөренип чорааныныӊ дугайында
уруглар дыка хөй чүүлдерни билип алган.
Электроннуг номнар таныштырылгазында Тываныӊ Улустуӊ чогаалчызы М. Б.
Кенин-Лопсанныӊ «Буян-Бадыргы» деп роман-эссезин, эртемден Монгуш Байыр-оолдуӊ
«Дээрден чүгүрген сылдыс дег» деп номнарын болгаш оон-даа өске солун чуруктарны көргүскен.
