Хүндүлүг номчукчулар!

Росхереглелхайгаарал албанының Тыва Республика талазы-биле эргелелиниң удуртукчузу Людмила Салчактың дыңнатканы-биле алырга, коронавирустуң нептерээни республикада 9 хуу хире чавырылган-даа болза, байдал ам-даа нарын хевээр.

Бо хамчыктыг аарыгның ийиги чалгыында ааран чоннуң саны баштайгы чалгыг-биле деңнээрге, 1,5 катап хөй бооп турар.

Коронавирустуң өөскээнинден, дыка хөй байырлалдар, хемчеглер соңгаарлаттынган, эмчилеривис дыштанмайн, дүн-хүн чокка ажылдап, аарыг-биле демисежип турар дээрзин шупту билир бис.

Аарыгга удур угаадыгларны, сагындырыгларны билир-даа болзувуса, сагывайн чоруур кижилер аравыста бары база хомуданчыг.

Кижи бүрүзү бо хамчыктан камгаланмас болза, аарыг улам нептерээр дээрзин көрүп тур бис. Ынчангаш дараазында дүрүмнерни сагыылыңар:

Хөй улус чыылган черлерже баарындан ойталаңар;

Таныыр эш-өөрүңер, чоок кижилериңер-биле ужуражырын кызыгаарлаңар;

 Ынай-бээр чоруур апарза, хөй-ниити транспортунга олурбайн, такси азы бодунуң хуу хөлгезинге чорааны дээре;

Хөй-ниити транспортунга чорааш, албан камгалал масканы, перчаткаларны кедип алыр. Автобус иштинге чорааш, чем чивес, холу-биле арны-бажынга дегбес;

Кижилер аразының 1,5-2 м. ырак турар дистанциязын сагыыр;

Бодуңарга болгаш өске кижилерге халдавырның айыылын тургуспазы-биле хол тудуп мендилежип, куспактажып болбас;

 Кудумчу үнгеш кирип келгеш-ле, холдарны саваңнап чуур, эжиктиң тудазын, кошелёкту, телефонну антисептик-биле аштаар;

Бажың иштин, ажылдаар черин, садыгларны, аптекаларны өйлеп-өйлеп дезинфекциялап чуур;

Аарыгның даштыкы демдектери илереттинип келзе (эът изиир, респираторлуг демдектер, тыныштаар азы ижин аартыр), эмчиниң дузазын дарый дилээр.

Корум-чурумнуг болуру биске боттарывыска чугула херек.

Камнаныылыңар! Кадык болуулуңар!