2020 чылдың декабрь айда Тываның Пушкин аттыг национал
библиотеказының национал болгаш чурт-шинчилел чогаалының килдизинде «Тыва дылым» деп төптү ажыткан.
Бирги кичээлди филология
эртемнериниң кандидады Серээдар Надежда Чылбаковна «Интернет четкизинде Тыва дылдың байдалы»
деп кичээлди онлайн хевирге эгелээн.
Бөгүн, январь 26-да, ийиги кичээл болуп эрткен. Ооӊ ады «Төрээн дылывыс – күчүлүг чепсээвис».
Бо кичээлге тыва
шүлүк чогаалының дугайында Тыва Национал театрның литература кезээниң
удуртукчузу, аныяк шүлүкчү, очулдурукчу Эрик
Олегович Норбу видео хевирге сонуургадып, чугаалап көргүскен.
