Ноябрь 16-да А. С. Пушкин аттыг
Национал ном саңының национал болгаш чурт-шинчилел чогаалының килдизинде Чылгычы
Чимит-Доржуевич Ондарның 65 харлаан оюнга «Артист, журналист,
драматург, элчин» деп ном делгелгезин кылган.
Ук делгелгеде Ч.
Ондарның: «Сѳѳлгү ѳртээл» (1994), (2005), «Тѳнмээн дайын» (1996), «Ханныг
истер» (2000), «Галстуктуг адыг» (2005), «Воспоминания о грядущем» (2001),
«Мусульманнар батальону» (2014), «Свидетель темная ночь. Последняя
пристань» (2003), «Ынакшыл – эки эрниң эжи» (2007), «Кударанчыг ынакшылдың шынаазы» (2006) деп
номнарын, шиилерин база ооң дугайында: Е. Танованыӊ «Тываның чогаалчылары», Ч. Ч.-Д. Ондарныӊ «50 мгновений жизни» («Амыдыралдың 50 дүрген үези»), М. Ховалыгныӊ «Тываның чогаалчылары = Писатели
Тувы», С. Комбунуӊ «Тувинская литература» («Тыва чогаал») деп номнары салдынган.
Чылгычы Чимит-Доржуевич 1955 чылдыӊ ноябрь 16-да Чɵɵн-Хемчик кожууннуң
Бажын-Алаак суурунга тѳрүттүнген. Бажын-Алаак ортумак школазын, Б. Щукин аттыг
Дээди театр училищезин, Новосибирскиде партияның Дээди школазының журналистика
факультедин дооскан.
Республиканыӊ хѳгжүм-шии театрынга артист кылдыр, солуннарга
корреспондентилеп, культура яамызынга оралакчы сайыдынга ажылдаан, 1989 чылдан
эгелеп культура болгаш кино сайыды болуп ажылдаан.
Ч. Ч.-Д. Ондар – Россияның Журналистер болгаш Россияның Чогаалчылар
эвилелдериниң кежигүнү. Россияның культуразының алдарлыг ажылдакчызы.
